Դրեզդենում Audi-ի գիտաուսումնասիրական ստորաբաժանումը սինթետիկ դիզելային վառելիքի նոր չափաքանակ է պատրաստել՝ օգտագործելով էներգիայի աղբյուրներ, ջուր և ածխաթթու գազ, հաղորդում է Geek Times-ը: Նոր վառելիքի ներկայացմանը ներկա է գտնվել Գերմանիայի կրթության և կրթական ուսումնասիրությունների նախարարը, ում մեքենան լիցքավորել են սինթետիկ վառելանյութով:
Մշակման ընթացքում գերմանացի ինժեներներին հաջողվել է մի շարք գործող տեխնոլոգիաներ կատարելագործել և տպավորիչ արդյունքների հասնել: Արտադրության առաջին փուլում ջրային գոլորշին տրոհվում է ջրածնի և թթվածնի բարձր ջերմաստիճանի էլեկտրոլիզով, որը ստացվում է արևային և քամու էլեկտրակայաններից ստացված էներգիայի օգնությամբ:
Այնուհետև օդից ածխաթթու գազ է վերցվում, որը բարձր ջերմաստիճանի և ճնշման տակ ռեակցիայի մեջ է մտնում ջրածնի հետ: Արդյունքում արհեստական նավթ է սինթեզվում:
Հաղորդվում է , որ նախագծի առևտրային առաջընթացով կզբաղվի Sunfire սթարթափը, որը ստեղծվել է Audi-ի մասնակցությամբ: Ինժեներների գնահատականներով՝ արհեստական վառելիքի ինքնարժեքը հնարավորություն է տալիս այն վաճառել 1-1,5 եվրոյով, չնայած վերջնական գինը կախված է արտադրության ընթացքում օգտագործվող էլեկտրաէներգիայի արժեքից:
