Հիմնադիր խորհրդարանը շարունակում է մայրաքաղաքի բանուկ փողոցներում ակցիաներ իրականացնել՝ պահանջելով ազատ արաձակել ՀԽ ձերբակալված անդամներին, ինչպես նաև իրենց ձևակերպմամբ` մյուս բոլոր քաղբանտարկյալներին:
«Ակցիան, մեր խոսքն ավելի շատ ուղղված է մեր քաղաքացիներին, քանի որ իշխանությունները տեղյակ են, իրենց անօրինական կալանվորումների նախաձեռնողը և իրենցից ինչ-որ խնդրելու, կամ պահանջելու բան չունեն, մեր խոսքն ուղղված է մեր ժողովրդին, որ էլ ավելի շատ մարդիկ տեղյակ լինեն անօրինական բանտարկումների մասին»,-«Առաջին լրատվականի» հետ զրույցում ասաց ՀԽ վարչության անդամ, ազատամարտիկ Գագիկ Սարուխանյանը ՝ հավելելով, որ քանի երկրում կան քաղբանտարկյալներ, նշանակում է , որ բոլորն են բանտարկված:
Գագիկ Սարուխանյանը նաև նկատեց, որ Վանգան չէ` չի կարող ասել, թե իշխանությունները ազատ կարձակեն, թե չէ քաղբանտարկյալներին.« այս իշխանությունները այնքան անկապ են, իրենց վայրենի գազանի ոճին հավատարիմ մնալով, հազիվ ձեռներն են ընկել, ինչի՞ բաց կթողեն որ, սենց էլի, եթե օրինականությունից խոսենք` ընդհանրապես չպիտի կալանավորեին»,-ասաց նա:
Ազատամարտիկը նաև շեշտեց, որ այս միջավայրում չես կարող ենթադրություն անել, թե վաղվանից կսկսեն օրինական աշխատել մանավանդ այն դեպքում , երբ 28 քննիչներից բաղկացած խումբը լայնածավալ հարցաքննություն է իրականացնում.«իբր գործ են շարունակում, անունը ինչ դնեն` բաց թողեն, հույս ունեն թե կալանված տասնյակ, հարյուրավոր մարդկանցից մեկը կամ կվրիպի, կամ մի սխալ բան կասի»:
Ըստ Գագիկ Սարուխանյանի, աշխարհում ռեժիմների պատմությունն ուսումանսիրելով, տեսնում ենք, որ ռեժիմները ի վերջո քայքայվում են. «սրանք չկան այնքան, ինչքան Սովետական միությունն էր, անգամ սովետական իշխանությունն ինքնին փլուզվեց, ինքն իրան սպառեց, սրանք ևս կսպառվեն, թե ներսից վերարտադրողականությունը կսպառվի, թե ժողովրդի համբերությունը»,-եզրափակեց Գագիկ Սարուխանյանը:
Հարցազրույցն ամբողջությամ՝ տեսանյութում