«Առաջին լրատվական»-ի զրուցակիցն է ԱԺ ԲՀԿ խմբակցության պատգամավոր Էլինար Վարդանյանը:
– Հիմնադիր խորհրդարանի անդամներին ձերբակալելուց հետո Դուք մտահոգություն հայտնեցիք, նաև Մարդու իրավունքների հանձնաժողովը որոշակի աշխատանքներ իրականացրեց: Կարծիք կա՞ր, որ ապրի լի 24-ից հետո նրանց ազատ կարձակեն:
– Այս պահին որևէ տեղեկատվության չեմ տիրապետում: Անկեղծ ասած՝ ես հարցադրում եմ ուղարկել և Ազգային անվտանգության ծառայություն, և Հատուկ քննչական կոմիտե, որպեսզի որոշակի պարզաբանումներ ստանանք: Հարցադրում հնչեցվել է ԲՀԿ այլ պատգամավորների կողմից, բայց մինչ այժմ որևէ պարզաբանում, որևէ հստակեցում չի տրվել: Լուրեր շրջանառվում էին, որ 24-ից հետո հավանաբար ազատ կարձակվեն, սակայն այդ կարծիքների որևէ հավաստում մինչ այժմ գոյություն չունի:
– Այսինքն՝ իրավական հիմք չտեսա՞ք:
– Փորձեր արվել են իրավական հիմնավորումներ տալու, բայց այն, ինչ ներկայացվում է հաղորդագրության մեջ, բավարար չէր, որպեսզի դա դիտվեր լիարժեք հիմք՝ նշված հոդվածներով անձանց կալանավորելու համար:
– Նրանք քաղբանտարկյալնե՞ր են:
– Ես այս պահին ձեռնպահ կմնամ գնահատականներ հնչեցնելուց, որովհետև ինքս էլ սպասում եմ պարզաբանումների, որովհետև կա որոշակի հստակեցման կարիք, և դրանից հետո միգուցե հնարավոր լինի նաև եզրակացություններ տալ: