Եմենի վտարանդի իշխանությունները, որոնք թաքնվում են Սաուդյան Արաբիայում, պատրաստ են որոշակի պայմաններում հութի-ապստամբների հետ բանակցությունների։ Այս մասին BBC-ին տված հարցազրույցում հայտնել է Եմենի արտգործնախարար Ռիադ Յասինը։
Նրա խոսքով՝ բանակցությունների անցկացման համար ապստամբները պետք է հանձնեն ծանր սպառազինությունը և վերաձևավորվեն պաշտոնական քաղաքական կազմակերպության։
Հութիները դասվում են շիաների շարքը, որոնց աջակցում է Իրանը։ Իր հերթին նախագահը դասվում է սուննիների շարքն ու վայելում սուննի երկրների աջակցությունը, ինչպիսին է Սաուդյան Արաբիան։
