Ապրիլի 20-ին Հայոց ցեղասպանության 100-րդ տարելիցին նվիրված միջոցառումների շրջանակում Սոֆիայի ժամանակակից թատրոնի դահլիճում ՀՀ դեսպանության հովանու ներքո, Սոֆիայի ՀԸԲՄ մասնաճյուղի նախաձեռնությամբ տեղի ունեցավ «Հանուն ավելի լավ աշխարհի» խորագրով համերգը:
Համերգի հատուկ հյուրերն էին լիբանանահայ ասմունքող Անի Եփրեմյանը և «Հայաստանի նոր անուններ» պատանի երաժիշտ կատարողները, ինչպես նաև Բուլղարիայում հայտնի հայ երգիչ Արթուր Նադոսյանը, որը ներկայացրել է «Հիշում ենք և պահանջում» նոր երգը:
Ապրիլի 23-ին Բուլղարիայում ՀՀ դեսպանության և Սոֆիայի Սբ. Կլիմենտ Օխրիդսկիի անվան պետական համալսարանի հայագիտական կենտրոնի հետ համատեղ տեղի է ունեցել ՀՀ դեսպանության հյուպատոս Գևորգ Ղարիբջանյանի դասախոսությունը «Գերմանիայի դատարանի աննախադեպ դատավճռից մինչև Հայոց ցեղասպանության միջազգային ճանաչում» թեմայով: Միջոցառմանը ներկա էին ուսանողներ, համալսարանի պրոֆեսորա-դասախոսական կազմի, ինչպես նաև Բուլղարիայի հայ համայնքի ներկայացուցիչներ:
Ապրիլի 24-ին Հայոց ցեղասպանության զոհերի հիշատակին նվիրված հուշարձանի մոտ, որտեղ տեղի ունեցավ մոմավառություն և ծաղկեփսակների դրման արարողություն:
Արարողությանը ելույթ է ունեցել ՀՀ դեսպան Արսեն Սհոյանը, ով ընթերցեց 100-րդ տարելիցի համահայկական հռչակագիրը: Միջոցառմանը ելույթ են ունեցել նաև ԲՀ Ժողովրդական ժողովի ատգամավորներ և հայ համայքի ներկայացուցիչներ: