Այսօր վաղ առավոտից Շահումյանի հրապարակում և քաղաքապետարանին հարակից տարածքում հավաքվել և System of a down խմբի համերգին են սպասում հազարավոր երկրպագուներ: Քիչ առաջ շտապօգնության մեքենայով հիվանդանոց տեղափոխեցին երկրպագուներից մեկին: Բժիշկները շտապելու պատճառով չասացին, թե ինչ էր պատահել երիտասարդին, սակայն տարածքը հսկող ոստիկաններից մեկը մեզ հայտնեց, որ երիտասարդը ալկոհոլն էր չարաշահել:
«Ոչ մի լուրջ բան չկա, ուղղակի մի քիչ չարաշահել է ալկոհոլը»,- ասաց նա՝ չպատասխանելով հարցին, թե չե՞ն կարող վերահսկել վիճակը, որպեսզի հավաքվածները մինչ համերգի սկսվելը չհարբեն:
Նշենք, որ հավաքված ռոք երաժշտության սիրահարների մեծ մասը՝ տղա-աղջիկ, չափահաս-անչափահաս, գարեջուր էին խմում՝ շշերը շարելով արդեն իսկ դատարկված շշերի կողքին:
Հավաքվածներին հսկում էին մեծաթիվ ոստիկաններ:
