Գերմանիան մտադիր է G20-ի ներկայացուցչության հայտ ներկայացնել 2017թ., այս մասին այսօր հաղորդել է գերմանական Spiegel շաբաթաթերթը:
Պարբերականը նշում է, որ Գերմանիայի կանցլեր Անգելա Մերկելը և նրա խորհրդական Լարս-Հենդրիկ Ռելլերը վերջին շաբաթների ընթացքում հանդես են գալիս G20-ում ներկայացուցչություն ունենալու օգտին: Spiegel-ի եզրակացությամբ՝ Բեռլինը լավ հնարավորություններ ունի, քանի որ ոչ մի այլ երկիր նման հայտ չի ներկայացրել:
2017թ. Գերմանիայում Բունդսթագի հերթական ընտրություններն են տեղի ունենալու: Մերկելի կուսակցությունը՝ Քրիստոնեադեմոկրատական միությունը, կարող էր ընդլայնել իր էլեկտորատը G20-ի անդամ երկրների ղեկավարների հետ կանցլերի հաճախակի հանդիպումների ֆոնին:
«Երկրի ղեկավարը ցանկանում է Գերմանիան այնպիսի պետություն ներկայացնել, որը կարողացել է հաղթահարել ֆինանսական ճգնաժամը և դեմոգրաֆիական խնդիրները», ինչը կարող է դրական անդրադառնալ նրա վարկանիշի վրա, գրում է շաբաթաթերթը:
