Բուլղարիան ցանկանում է վերականգնել Nabucco գազատարը և դառնալ ադրբեջանական գազի տարանցիկ ուղի դեպի այլ եվրոպական երկրներ: Այս մասին գրում է Ria Novosti-ն` վկայակոչելով Բուլղարիայի վարչապետ Բոյկո Բորիսովին:
Ադրբեջանի նախագահ Իլհամ Ալիևի հետ բանակցություններից հետո Բորիսովն ասել է, որ Բուլղարիան ցանկանում է «վերականգնել Nabucco նախագիծը կամ էլ, ամենայն հավանականությամբ, TANAP-ից սկսվող դրա հատվածը և Nabucco-ի արևմտյան մասը, որն անցնում է Բուլղարիայով»,- ասվում է հաղորդագրությունում:
«Ներկա դրությամբ իրական հնարավորություն կա, որ ադրբեջանական գազը տարանցիկ կերպով մեր տարածքով կմատակարարվի հարևան երկրներ»,- հայտարարել է Բորիսովը: