Մեծ Բրիտանիան արգելափակել է ռուս միլիարդատերեր Միխայիլ Ֆրիդմանի և Գերմանի Խանի կողմից Հյուսիսային ծովում 12 նավթային և գազային հանքավայրեր ձեռք բերելու գործարքը: Որոշման համար հիմք է հանդիսացել այն մտավախությունը, որ գնորդների վրա կարող են պատժամիջոցներ սահմանվել, հաղորդում է Reuters-ը:
Ֆրիդմանը և Խանը մտադիր էին ձեռք բերել գերմանական RWE-ի Dea նավթային ընկերությունը 5 մլրդ եվրոյով: Dea-ն աշխատում է մի քանի երկրներում, այդ թվում՝ Մեծ Բրիտանիայում, որտեղ ունի 12 հանքավայր: Գործարքը մտադիր են փակել հաջորդ շաբաթ:
Էներգետիկայի նախարար Էդ Դեյվինը ընկերությունից պահանջելու է, որպեսզի վաճառքն իրականացվի երրորդ կողմի՝ հայտարարել է Միացյալ Թագավորության էներգետիկայի նախարարությունը:
Մեծ Բրիտանիայի որոշումը՝ արգելափակելու գործարքը, առաջինն է իր բնույթով, քանի որ հիմնված է ոչ թե գործող պատժամիջոցների, այլ այն մտավախության վրա, որ գործարքի մասնակիցների վրա ապագայում հնարավոր է՝ պատժամիջոցներ սահմանվեն: