Ամերիկացի գիտնականները հայտնաբերել են, որ միկրոբիոմները սերտորեն կապված են այն տան հետ, որտեղ ապրում է մարդը: Երբ մարդիկ հավաքում են իրերը և տեղափոխվում, նրանց յուրահատուկ միկրոկենսաբանական աուրան տեղափոխվում է նրանց հետ մեկտեղ, հաղորդում է Science ամսագիրը:
Չիկագոյի համալսարանից Սայմոն Լեքսն ու նրա գործընկերները ուսումնասիրել են յոթ ընտանիքների և նրանց տների միկրոբիոմներ վեց շաբաթվա ընթացքում:
Հետազոտողները հայտնաբերել են, որ ձեռքերի, ոտքերի և քթանցքերի միկրոբները նման են նրանց, որոնք հավաքվում են տան մակերեսներին: Ուսումնասիրելով մարդուց տանը բակտերիաների փոխանցումը, գիտնականները հասկացել են, որ մարդիկ ավելի հաճախ են դառնում հիվանդածին միկրոբների աղբյուր, քան իրերը:
Երբ մարդը հեռանում է տնից մի քանի օրով, նրա ազդեցությունը տան միկրոբային աուրայի վրա հավասարվում է զրոյի:
