Եվրոպական Poopy Cat ընկերության գովազդը դարձել է YouTube-ի հիթ։ Ընկերությունը արտադրում է դիզայներական իրեր կատուների համար:
Բանն այն է, որ այս մարդիկ գիտեն, թե ինչ բան է տանը կենդանի պահելը: Ընկերության գրասենյակում «աշխատում են» ավելի շատ կատուներ, քան մարդիկ՝ հայտնում է Mirror-ը:
Իրենց արտադրանքը ընկերությունը հենց տեղում փորձարկում է կատուների վրա, այդ պատճառով էլ Poopy Cat-ի կենտրոնակայանում ապրում են ավելի քան մեկ տասնյակ կատուներ:
Հրապարակված տեսանյութում երևում է, թե ինչպես է անցնում ոչ մեծ ընկերության աշխատանքային առօրյան՝ կատուները բարձրանում են աշխատակիցների վրա, քայլում նոթբուքերի վրայով ու փորձում ինչ-որ բան տպել տպիչով:
Poopy Cat-ի աշխատակիցները հումորով են արձագանքում իրենց շուրջը տեղի ունեցող իրադարձությանը: