Այսօր «Նուբարաշեն» ՔԿՀ-ից ազատ է արձակվել հայազգի հայտնի «օրենքով գող» Անդրանիկ Սողոյանը, ով առավել հայտնի է Զապ անվամբ: Նա ազատ է արձակվել «Նուբարաշեն» ՔԿՀ-ի պետի՝ Ռուբիկ Ստեփանյանի որոշմամբ՝ կալանքի ժամկետը լրանալու և այն չերկարացնելու հիմքով:
Նշենք, որ ՀՀ Արդարադատության նախարարությունն ավելի վաղ միջնորդություն էր ներկայացրել Զապի կալանքը ևս երկու ամսով երկարացնելու մասին: Փաստորեն՝ նախարարության միջնորդությունը մերժվեց:
Armlur.am-ի փոխանցմամբ՝ այս պահին «օրենքով գողը» փաստացի իրավական կարգավիճակ չունի: Նա գտնվում է ազատության մեջ, իսկ Չեխիայի գերագույն դատարանը, որտեղ նա դատապարտվել էր 22 տարվա ազատազրկման, դեռևս պարզ չէ՝ երբ կնշանակի դատական նիստը: Այստեղ, թերևս, կարևոր է այն հանգամանքը, որ Զապն ունի արդարացման ակտ դատական երեք ատյաններով: Միայն մեկով էր նա ազատազրկման դատապարտվել, ինչն էլ բողոքարկվել է փաստաբանների կողմից:
Մանրամասները՝ սկզբնաղբյուր կայքում
