Հայտնի է դարձել, թե ընկճախտն ու հեռուստացույց դիտելն ինչպես են ազդում կանանց քաղցի զգացման վրա: Քաղցը կարևորագույն ֆիզիոլոգիական պրոցեսներից մեկն է, սակայն այսօրվա դրությամբ ընկճախտի և շրջակա միջավայրի ազդեցությամբ այն դառնում է պաշտպանիչ ռեակցիա: Հավելյալ քաշից խուսափելու համար անհրաժեշտ է տարբերել քաղցի մի քանի տեսակ:
Այսպիսով, իսկական քաղցը օրգանիզմի ազդանշանն է այն մասին, որ ուժերն արդեն սպառվում են, և պետք է ինչ-որ բան ուտել: Տվյալ դեպքում պետք է նստել և ինչ-որ բան ուտել:
Եթե քաղցն առաջանում է որոշակի հեռուստածրագրեր կամ ֆիլմ դիտելիս, ապա պետք չէ տեղի տալ դրան: Մասնագետները խորհուրդ են տալիս տվյալ դեպքում ինչ-որ բանով զբաղեցնել ձեռքերը և փորձել չդիտել մթերքների գովազդներ:
Ագրեսիվ քաղցն առաջանում է այն դեպքում, եթե արյան մեջ կտրուկ նվազում է շաքարի քանակը: Տվյալ դեպքում պետք է վերահսկել ինքդ քեզ և ուտել միայն օգտակար սնունդ:
Սթրեսային վիճակը ևս քաղցի զգացում է հրահրում: Այս դեպքում մասնագետները ևս խորհուրդ են տալիս բացառել վնասակար սննդամթերքները:
