Չիկագոյում չարագործները ծեծի են ենթարկել և թալանել քաղաքապետ Ռամ Էմանուելի 17-ամյա որդուն՝ Զակին: Ինչպես հայտնում է The Chicago Tribune-ը, դեպքը տեղի է ունեցել ուրբաթ երեկոյան՝ քաղաքապետի տնից ոչ հեռու:
Երկու տղամարդիկ մոտեցել են Զակին, երբ նա խոսում էր բջջայինով: Նրանցից մեկը բռնել է երիտասարդի պարանոցից, իսկ մյուսը հարվածել նրան բռունցքով, որից հետո Զակին գետնին են տապալել:
Ոստիկանության փոխանցմամբ՝ հանցագործները քաղաքապետի որդուց խլել են հեռախոսը՝ ստիպելով նրան մուտքագրել գաղտնաբառն ու ապաարգելափակել սարքը: Դրանից հետո տղամարդիկ թաքնվել են դեպքի վայրից:
Տեղի ունեցածի հետևանքով Զակը վնասվածքներ է ստացել, պահանջվել է բուժօգնություն: Զակի ատամը կոտրվել է, շուրթը՝ վնասվել:
Ոստիկանությանը չի հաջողվել դուրս գալ հանցագործների հետքի վրա:
