ՄԱԿ-ի գլխավոր քարտուղար Պան Գի Մունը բարձր է գնահատել սիրիական Հալեպում հակամարտության տեղային սառեցումը՝ հերթական անգամ կոչ անելով Սիրիայում դադարեցնել բռնությունները, գրում է RIA Novosti-ն:
«Մենք կցանկանայինք համընդհանուր խաղաղություն, կայունություն և զարգացում տեսնել՝ սրանք են մեր հիմնական սկզբունքները»,- հայտարարել է Պան Գի Մունը ամենաամյա մամլո կոնֆերանսին:
Գլխավոր քարտուղարի խոսքերով՝ նույնիսկ մասնակի սառեցումը դժվար է տրվում: Սակայն, Սիրիայում հատուկ հանձնակատար Ստեֆան Դե Միստուրի առաջարկը տեղային աջակցություն է ստացել:
«Չորս տարվա սպանություններից հետո….բռնությունները պետք է դադարեն, անկախ գոյություն ունեցող վեճերից և տարաձայնություններից: Նրանք (կառավարությունն ու գրոհայինները) պետք է միասին նստեն և քննարկեն իրենց ապագան»,- հայտարարել է գլխավոր քարտուղարը: «Կարևոր չէ, թե դա ինչպես կկոչվի»,- ասել է Պան Գի Մունը՝ նկատի ունենալով բանակցությունների նոր փուլը: