Վերջերս Նիկոլ Քիդմանը Գրեմ Նորթոնի շոուի հյուրն է եղել, որի ժամանակ պատմել է այն վնասվածքների մասին, որոնք ստացել է Բազ Լուրմանի «Մուլեն Ռուժ» ֆիլմի նկարահանումների ժամանակ, գրում է Spletnik.ru-ն: Դերասանուհին հայտնել է, որ երկու անգամ կոտրել է կողոսկրը. «Առաջին անգամ կողոսկրս կոտրվել է այն ժամանակ, երբ բարձրակրունկ կոշիկներով պարը փորձելիս կորցրեցի հավասարակշռությունս և ընկա աստիճաններին: Էվան ՄաքԳրեգորը պետք է ինձ պահեր, բայց դա նրա մոտ չստացվեց: Ավելի ուշ, նույն կողոսկրս երկրորդ անգամ կոտրվեց, երբ ես խնդրեցի կորսետն ավելի ամուր կապել»:
Դրանից բացի, նկարահանման հրապարակում Նիկոլը վնասել է ծնկի կրճիկը՝ անհաջող ընկնելով հերթական պարային տեսարանում:
Դերասանուհին պատմել է նաև, որ հանդիսատեսի առջև երգելիս իրեն վատ է զգացել. «Ես սարսափելի վախենում էի հանրության առջև երգելուց, դա իսկական սթրես էր»:
Այժմ Նիկոլն ակտիվորեն զբաղվում է իր մասնակցությամբ նոր կատակերգության՝ «Փադդինգթոնի արկածները» ֆիլմի տարածմամբ:
