ԱՄՆ նախագահ Բարաք Օբաման, ավանդույթի համաձայն, «ներել է» երկու հնդկահավերի, որոնք բերվել են Սպիտակ տուն՝ Գոհաբանության օրվա տոնական սեղանի համար: Տոնն ԱՄՆ-ում նշվում է նոյեմբերի յուրաքանչյուր չորրորդ հինգշաբթի: Այս մասին հաղորդում է ABC News-ը:
Ելույթ ունենալով կատակային հանդիսավոր արարողությանը, որը եղանակային վատ պայմանների պատճառով կայացել է ոչ թե Վարդագույն այգում, այլ Սպիտակ տանը, Օբաման հավաքվածների ծիծաղի ներքո խոստովանել է, որ մինչ այժմ «փոքր-ինչ շփոթված է» ամեն տարի մսագործի դանակից խորհրդանշորեն փրկելու երկու մատուցված թռչունների կյանքը: Այնուամենայնիվ, ԱՄՆ նախագահը շտապել է ասել, որ «դրանից հաճույք է ստանում»:
«Գիտեմ, որ ոմանք կատարվածը համաներում կհամարեն»,- ասել է Օբաման՝ զուգահեռ տանելով էմիգրացիոն բարեփոխումների հետ:
Ինչպես նշել է Օբաման, Մաք և Չիզ անվանումն ստացած և 21 կգ կշռող երկու հնդկահավերից, ըստ Twitter-ում քվեարկության, հաղթել է Չիզը: Սպիտակ տնից թռչունները կուղարկվեն Ուեսթմորլենդ Դևիսի կալվածք՝ շարունակելու իրենց կյանքը:
