Լոնդոնի դատարանը դատապարտել է արքայական ընտանիքի շեֆ խոհարար Ադամ Սթիլին գործընկերոջ վրա հարձակվելու համար: Այս մասին հաղորդում է The Evening Standard-ը:
Տղամարդը, որը Եղիսաբեթ II-ի և նրա ամուսնու` Ֆիլիպի սիրելի խոհարարն է, ծեծկռտուք է սարքել Ջեյսոն Թոմփսոնի հետ: Դա տեղի է ունեցել հոկտեմբերի 17-ին` Բուքինգհեմյան պալատի ծառայակիցների երեկույթի ժամանակ:
Ծեծկռտուքից հետո շեֆ խոհարարն ազատվել է աշխատանքից:
Գործընկերոջը ծեծելուց առաջ Սթիլը ոգելից խմիչքներ էր օգտագործել` 4 շիշ գարեջուր և 4 բաժակ թունդ ալկոհոլ:
Նրա համար իբրև պատիժ սահմանվել է 80 ժամով հասարակական աշխատանքներ, ինչպես նաև 200 ֆունտ՝ որպես փոխհատուցում Թոմփսոնին և 85 ֆունտ` դատական ծախսերի համար:
