Օրերս Քեթի Փերրին հեռուստաշոուներից մեկի ժամանակ հայտարարել է, որ 2011-ին դերասան Ռասել Բրենդի հետ ամուսնալուծվելուց հետո ծանր ընկճախտային վիճակում է գտնվել: Երգչուհին նույնիսկ ինքնասպանության հետ կապված մտքեր է ունեցել, գրում է Spletnik.ru-ն:
«Ես շատ տխուր էի: Ծանր ընկճախտի պահերին ես նույնիսկ ինքնասպանության մասին եմ մտածել, բայց ես ուրախ եմ, որ գործն այդպես էլ դրան չհասավ»,- ասել է երգչուհին:
Քեթի Փերրին ընդգծել է, որ նման հոգեվիճակից դուրս գալուն նրան օգնել է արվեստը: Ամուսնալուծությունից հետո երգչուհին գրել է Grace of God երգը, որտեղ արտացոլվել են Փերրիի բոլոր ապրումները:
