Ռուսաստանի կառավարությունն առաջիկա օրերին Ուկրաինայի համար 1000 խորանարդ մետրի դիմաց 100 դոլարի զեղչ կապահովի՝ ի հաշիվ արտահանման տուրքերի: Այս մասին հայտնել է Ռուսաստանի էներգետիկայի նախարար Ալեքսանդր Նովակը՝ գազի հարցով Ռուսաստան-Ուկրաինա-ԵՄ եռակողմ բանակցությունների արդյունքներով՝ փոխանցում է RIA Novosti-ն:
Նա նաև հաստատել է, որ մինչև մարտի վերջ ընկած ժամանակահատվածում «Գազպրոմի» և «Նավթոգազի» միջև չի գործի «վերցրու կամ վճարիր» սկզբունքը:
Ուկրաինան, Ռուսաստանն ու Եվրահանձնաժողովը Բրյուսելում ստորագրել են ձմեռային գազային պլանին առնչվող փաստաթղթեր, որոնք նախատեսում են Ուկրաինա ռուսական գազի մատակարարումների վերսկսում և Եվրոպայում ձմռանը գազի անխափան տարանցման ապահովում:
Էներգետիկայի հարցերով եվրահանձնակատար Գյունթեր Էթինգերը հայտնել է, որ Ուկրաինան օգնություն կստանա ԱՄՀ-ից և ԵՄ-ից և կկարողանա վճարել իր բոլոր հաշիվները:
