Վաշինգտոնը Մոսկվայի հետ առճակատում չի փնտրում, սակայն մտադիր էլ չէ հրաժարվել իր սկզբունքներից: Այս մասին գրում է RIA Novosti-ն` վկայակոչելով պետդեպի ներկայացուցիչ Ջեն Պսակիին:
«Միացյալ Նահանգները Ռուսաստանի հետ առճակատում չեն փնտրում, սակայն մենք չենք կարող և չենք հրաժարվի մեր սկզբունքներից, որոնց վրա հենվում է Եվրոպայի և Հյուսիսային Ամերիկայի անվտանգությունը: Մենք մեկ անգամ չէ, որ հայտարարել ենք, որ մենք հաստատակամորեն կհետևենք մեր սկզբունքներին»,- նշել է Պսակին:
Նա կրկին ընդգծել է, որ Ռուսաստանը և ԱՄՆ-ը կարող են միասին աշխատել` չնայած որ «որոշ հարցերի շուրջ տարաձայնություններ կան»: