Իսրայելի իշխանությունները ձեռնարկում են միջոցառումներ՝ սահմանափակելու համար երկրում կանխիկ գումարի շրջանառությունը: Երկրի նախարարների կաբինետը հատուկ որոշում է ընդունել, որը կոչված է կրճատելու երկրի տարածքում կանխիկ գումարի և կտրոնների շրջանառությունը՝ հայտնում է TASS-ը՝ հղում անելով տեղի ԶԼՄ-ներին: Այդ որոշմանը միաձայն աջակցել են կառավարության բոլոր անդամները:
Նոր կանոնները կվերաբերեն ինչպես իրավաբանական, այնպես էլ ֆիզիկական անձանց: Այսպես, օրինակ, առավելագույն առձեռն գումարը, որը կկարողանա իրացնել անհատը, կկազմի մոտ 4000 դոլար: Բացի դրանից՝ օգտագործված ավտոմեքենայի առքուվաճառքի դեպքում առձեռն վճարի առավելագույն չափը որոշված է 13.500 դոլար: Կառավարական որոշման համաձայն՝ նաև արգելված է երրորդ անձի անունով համանման գումարների կտրոնների և վեկսելների վերավաճառքը կամ վերաձևակերպումը:
