Իրանի հարավի Բուշեհր և Ջասկ քաղաքներում կհայտնվեն նոր ազատ տնտեսական գոտիներ: Ինչպես հայտնում է IRNA գործակալությունը՝ բոլոր անհրաժեշտ փաստաթղթերն ուղարկվել են Իսլամական Հանրապետության կառավարություն:
«Ներդրումների համար նոր բաց հարթակների հիմնումը կնպաստի երկրի տնտեսության կայունության հետագա ամրապնդմանը: Միայն այդպես է հնարավոր հաջող կերպով դիմակայել արտաքին շոկերին և չեզոքացնել պատժամիջոցների էֆեկտը»,- կարծում է ազատ և հատուկ տնտեսական գոտիների հարցերով համակարգման խորհրդի քարտուղար Աքբար Տորկանը:
Տնտեսության ամրապնդման ևս մեկ մեթոդ է հարևան երկրների հետ հարաբերությունների զարգացումը: Այդ իսկ պատճառով ազատ տնտեսական գոտիները գտնվում են հանրապետության ծայրամասերում:
Ազատ և հատուկ տնտեսական գոտիների ստեղծումն Իրանի ղեկավարության տնտեսական քաղաքականության կարևորագույն ուղղություններից մեկն է: Ներկայում Իրանում գործում են 7 ազատ և 16 հատուկ տնտեսական գոտիներ: Ազատ տնտեսական գոտիների տարածքում չկան արժութային գործողությունների որևէ սահմանափակումներ: Բացի այդ, այնտեղ գրանցված ձեռնարկությունները 15 տարով ազատվում են բոլոր հարկերի վճարումից:
Ազատ տնտեսական գոտիները չափազանց գրավիչ են օտարերկրյա կապիտալի համար: