Բրիտանացի քրիստոնյա ղպտիները ղպտիական ավանդական Նոր տարվա տոնի ժամանակ պատմել են «Մուսուլման եղբայրների» իշխանության օրոք իրենց եգիպտական սրբավայրերի վրա հարձակումների մասին: Այս մասին հայտնում է BBC-ի ռուսական ծառայությունը:
Նրանց խոսքով՝ Մոհամմեդ Մուրսիի նախագահության ժամանակ քանդվել են իրենց տաճարները, իսկ ծխականներին դաժանաբար ծեծել են:
Ղպտի եպիսկոպոս Անգելոսը հատուկ նշել է, որ իր համար ցավալի է տեսնել տարբեր եկեղեցիների հետևորդների տառապանքները իրենց հարազատ շրջաններում, և կոչ է արել աջակցել «Աստծո կողմից տրված մարդու իրավունքները»:
Լոնդոնում տոնակատարության ժամանակ նաև ընթերցվել է ղպտիների ուղերձը Հռոմի պապին, որում նշվում է, որ մերձավորարևելյան տարածքների քրիստոնյաների տառապանքները խորացել են համաշխարհային հանրության շատ անդամների անտարբերության պատճառով:
