Apple Pay բջջային վճարային համակարգը թույլ է տալիս վճարումներ կատարել նաև ԱՄՆ սահմաններից դուրս: Այս մասին հայտնում է 9to5 Mac տեխնոբլոգը՝ հղում անելով օգտատերերին, որոնց հաջողվել է հաջողությամբ վճարումներ կատարել Ավստրալիայում ու Կանադայում:
Apple Pay-ը, որը ներկայացվել էր սեպտեմբերին, սկսել է գործել հոկտեմբերի 20-ից:
Սակայն, ըստ Apple-ի ներկայացուցիչների, ծառայությունը հասանելի է միայն ԱՄՆ օգտատերերին, և ընկերությունը առայժմ չի խոսում աշխարհի այլ երկրներում գործարկման ծրագրերի մասին:
Միևնույն ժամանակ, Կանադայում ու Ավստրալիայում օգտատերերին հաջողվելէ հաջողությամբ օգտագործել Apple Pay-ը տեղի ռիթեյլերների խանութներում:
Վճարումները կատարվել են PayPass տերմինալների միջոցով՝ MasterCard-ով, Visa-ով, PayWave-ով կամ American Express-ի ExpressPay-ով: Սակայն ֆունկցիան գործում է միայն այն դեպքում, եթե բանկային քարտը միացված է Apple Pay-ին, որը թողարկվել է ԱՄՆ-ում Apple-ի գործընկեր բանկերից մեկի կողմից:
Apple-ի, Visa-ի, MasterCard-ի ու American Express-ի ներկայացուցիչները առայժմ չեն մեկնաբանել այս տեղեկատվությունը: