Օտար երկրներ այցելելիս դրանց խոհանոցներին ծանոթանալը երկրի մշակույթը ուսումնասիրելու ամենահաճալի միջոցներից է: Միշտ էլ հետաքրքիր է փորձել այդ երկրում ընդունված սննդատեսակները, որոնք երբեմն կարող են տարօրինակ լինել: Սակայն նրանց համար, ովքեր չեն բավարարվում միայն «տարօրինակ» սննդատեսակներով, bigpicture.ru-ն առաջարկում է այցելել այն անսովոր ռեստորանները, որոնց ցնցել են նույիսկ իսկական գուրման ճանապարհորդներին:
1. Հանգիստ ռեստորան, ԱՄՆ
ԱՄՆ-ի Նյու Յորք նահանգի Գրինփոյնթում Eat անվանումով ռեստորան է գործում, որտեղ ոչ մի առանձնահատուկ բան չկա, բացի նրանից, որ այստեղ խոսել չի կարելի: Ռեստորանի սեփականատեր Նիկոլաս Նոյմանը ցանկացել է այն այնպիսի տեղ հիմնել, որտեղ մարդիկ կկարողան վայելել լռությունը: Այստեղ սեղանները հարկավոր է նախօրոք պատվիրել:
2. Ընթրիք խոշորացույցի տակ
Այն, ինչ կատակով սկսվել է մի քանի տարի առաջ, ռեստորանի շեֆ խոհարար Խիրոնորի Իկենոյին ամբողջ Ճապոնիայով մեկ ճանաչված է դարձրել, հնարավոր է նաև, ամբողջ աշխարհում: Մի անգամ նա մտածեց, որ հետաքրքիր կլինի փոքր ափսեներով սնունդ մատուցել: Պարզվեց, հնարավոր է բրնձի ընդամենը մեկ հատիկով սուշի պատրաստել:
3. Ճաշել միայնակ, Նիդեռլանդներ
Ամստերդամի At Eenmaal ռեստորանը հայտնի է միայնության իր անսովոր կոնցեպտով: Այս հաստատությունում կարելի է միայն մեկ տեսակի՝ մեկ տեղանոց սեղաններ պատվիրել: Ռեստորանի հիմնադիր և դիզայներ Մարինա վան Գորն ասում է, այս ոչ ավանդական դիրքորոշումը մարդկանց հնարավորություն է տալիս փորձել, թե ինչպես է լինում միայնակ ճաշելը:
4. Ճաշ թռչնի բնում, Թաիլանդ
Թաիլանդի Soneva Kiri Eco Resort հանգստավայրում գործում է «Թռչնի բույն» ռեստորանը, որտեղ այցելուները հնարավորություն են ստանում վայելել հիասքանչ բնապատկերները, քանի որ ռեստորանը ծառի վրա է գտնվում: Այն գետնից 4,8մ բարձրության վրա է գտնվում, իսկ մատուցողներն այնտեղ բարձրանալու համար պարաններ են օգտագործում: Այստեղ սովորական ճաշի արժեքը 450 դոլարից է սկսվում:
5. Ճաշ երկրաշարժի ժամանակ, Իսպանիա
Մեզանից շատերի համար երկրաշարժի ժամանակ ճաշելը այնքան էլ լավ գաղափար չէ: Սակայն, Disaster Café սրճարանում մարդիկ վճարում են նրա համար, որպեսզի ճաշեն 7,8 բալ ուժգնությամբ երկրաշարժի ժամանակ: Ավելին, այստեղ սեղանները մի քանի շաբաթ առաջ են պատվիրում: Առայժմ սրճարանի այցելուներին հաջողվել է խուսափել լուրջ վնասվածքներից:
6. Ճաշ ժայռի վրա, Չինաստան
Չինական Սինին լեռնանցքում է գտնվում Fangweng ռեստորանը, որը բացի սննդից հաճախորդներին առաջարկում է ժայռերի հիասքանչ տեսարաններ, որոնց վրա էլ այն գտնվում է: Հարկ է նշել, որ այս հաստատությունը թույլ նյարդեր ունեցողների համար չէ:
7. Ընթրիք նինձայի հետ, ԱՄՆ
Նյու Յորքի Թրայբեք թաղամասում է գտնվում նինձայով ճապոնական ռեստորանը, որը նույնպես թույլ նյարդեր ունեցողների համար չէ: Բացի համեղ սննդից, ռեստորանը կրակով և քունգ ֆուով հնարքներ, դանակներով մատուցողներ է առաջարկում: Եթե ձեզ պատից կախված զինված նինձաներ են դուր գալիս, ապա այս ռեստորանը ձեզ համար է նախատեսված:
8. Ռոբոտներով ռեստորան, Թաիլանդ
Բանկոկի Hajime ռեստորանը հայտնի է նրանով, որ այստեղ սամուրայների հագուստով ռոբոտ մատոցողներ են սպասարկում: Իսկ սպասարկելուց ազատ ժամանակ նրանք նույնիսկ պարում են:
9. Ճաշ սառույցի վրա, Ֆինլանդիա
Եթե ձեզ երբևէ հետաքրքրել է, թե ինչպես են ճաշում սառույցի վրա, ապա կարող եք այցելել Հյուսիսային բևեռում գտնվող ռեստորանը, որտեղ հասկանալի պատճառներով միայն սառը ուտեստներ են մատուցում:
10. Կապիկ մատուցողներ, Ճապոնիա
Եթե դուք այցելեք Ուցունոմիայում գտնվող Kayabukiya Tavern ռեստորանը, ապա ձեր սակեն մատուցողի հագուստով կապիկ կմատուցի: Ռեստորանի սեփականատերը ասում է, որ հատուկ կապիկներին չի վարժեցրել, նրանք այդ գործը սովորել են նայելու ընթացքում: Այսօր տեղի իշխանությունները պաշտոնապես թույլատրել են կապիկներին աշխատել այս հաստատությունում:
11. Ճաշ հիվանդանոցում, Թայվան
D.S. Music ռեստորանը գտնվում է Թայբեում, սակայն դրա կոնցեպցիան անվանման հետ կապ չունի: Իրականում այն հիվանդանոցի թեմայով բավականին տարօրինակ ռեստորան է, որտեղ մատուցողները բուժքույրերի համազգեստ են կրում, սեղանները պատրաստված են հիվանդանոցների մահճակալներից, իսկ խմիչքներն այստեղ ներարակիչներով են մատուցում: Պատերն այստեղ ամբողջովին պատված են ռենտգենյան լուսանկարներով:
12. Կոպիտ ճաշ, ԱՄՆ
Այս ռեստորանում սպասակող անձնակազմը չափազանց կոպիտ է: Սակայն, ժամանակի ընթացքում Dick´s Last անունով ռեստորանը ճաչաված դարձավ, և պարզվեց, որ թղթե ստորացուցիչ գլխարկներ կրել և մատուցողներից վիրավորանքներ լսել ցանկացողների քանակը բավականին մեծ է:
13. Ճաշ Հրաշքների աշխարհում, Ճապոնիա
«Ալիսան Հրաշքների աշխարհում»-ը Ճապոնիայում այնքան հայտնի է, որ այնտեղ այս թեմայով ռեստորանների և սրճարանների մի ամբողջ ցանց է գործում: Այս ռեստորաններից յուրաքանչյուրը Ալիսայի մասին պատմող տարբեր պատմությունների թեմաներով է հարդարված:
14. Նուդիստական ճաշ, ԱՄՆ
Ամիսը մեկ անգամ Նյույորքյան Clothing Optional Dinners ակումբը բավականին տարօրինակ՝ «մերկ» երեկույթ է կազմակերպում: Դրա հիմնադիրը նուդիստ Ջոն Ջ. Օրդովերն է: Արարողությունը մի քանի կանոններ ունի, որոնցից մեկն այն է, որ հարկավոր է աթոռի վրա փռելու կտոր բերել, իսկ սպասարկող անձնակազմը պետք է հագնված լինի:
15. Ճաշ մթության մեջ, Անգլիա
Տարօրինակ թվացող այս գաղափարը աշխարհում շատ ռեստորանների է վարակել, սակայն դրանցից ամենահայտնին լոնդոնյան Dans Le Noir-ն է: Հենց որ հաղթահարում եք ձեզ վրա գերիշխող տեսողության զգացողությունը, դուք մտնում եք բույրերի և հոտերի բոլորովին այլ աշխարհ: Ձեր տրամադրության տակ են կույր գիդերը:
16. Չափազանց վնասակար ռեստորան, ԱՄՆ
Այն ժամանակ, երբ ռեստորանների սեփականատերերը ջանք չեն խնայում իրենց հաստատությունները որպես համեղ և առողջ սննդի մատուցման վայր ներկայացնելու համար, Լաս Վեգասում գտնվող Heart attack Grill ռեստորանի հիմնադիրը ասում է. «Մի եկեք իմ ռեստորան, այն ձեզ համար վնասակար է և կարող է սպանել ձեզ»: Այս սրճարանում շատ կալորիաներով և բանջարեղենի բացակայությամբ սնունդ են առաջարկում՝ «Ֆրի, որից կարող եք մահանալ», «Մեռած բուրգեր» կամ «Ինֆարկտ տարած հոթ դոգ»:
17. Ճաշ մեռածների հետ, Հնդկաստան
Հին գերեզմանատան տարածքում ռեստորան կառուցելիս հնդիկ Քրիշան Քուտին որոշել է պահպանել գերեզմանները: Այն, ինչը ժամանակին տարօրինակ որոշում էր թվում, հետագայում խորամանկ քայլի վերածվեց: Ամեն օր ռեստորանի այցելուները այստեղ են գալիս սարսափելի զգացողությունների հետևից:
18. Ճաշ ջրվեժի տակ, Ֆլիպիններ
Մոռացեք ձանձրալի օդափոխիչի մասին, որը ճաշելու ժամանակ փչում է ձեզ վրա: Թարմացեք ջրվեժի սառը ջրով, որը ռեստորանի մոտ է գտնվում: Այս ամենով հիանալու համար հարկավոր է այցելել ֆիլիպինյան Սան Պաուլու Սիթիում գտնվող ռեստորանը:
19. Ճաշ ջրի տակ, Մալդիվյան կղզիներ
Մալդիվյան կղզիներում 4մ ջրի տակ է գտնվում ստորջրյան ռեստորանը: Այստեղ ձեզ ոչ միայն շքեղ ուտեստներ կմատուցեն, այլև կառաջարկեն հիանալ ստորջրյա օվկիանոսի անհավանական տեսարաններով: Սակայն, այս յուրահատուկ ռեստորանը միայն 14 մարդ է տեղավորում:
20. Ճաշ երկնքում
Dinner in the Sky-ը բելգիական նախագիծ է, որը մարդկանց հնարավորություն է տալիս ճաշել և սեփական քաղաքով հիանալ երկնքից: Կռունկը 22 մարդու համար նախատեսված սեղանը երկինք է բարձրացնում, իսկ մարդկանց կապում են իրենց նստատեղերին: Ներկա պահին այս նախագիծը գործում է արդեն աշխարհի 10 երկրներում:
21. Հաննիբալյան սուշի, Ճապոնիա
Ճապոնական այս ռեստորանում ձեզ ուտելի «մարմին» կառաջարկեն: Այնուհետև դուք պետք է «խորը ծակեք» և փորձեք մարդու ներքին օրգանները: Իհարկե, սա իսկական մարդ չէ, այլ միայն բրնձից պատրաստված կրկնօրինակ, մարմինը սուշիից է պատրաստված, իսկ արյունը՝ սոուսից, իսկ ահա սեռական օրգանները ստիպված են եղել փոխարինել արհեստական՝ ուտելու համար ոչ պիտանի կրկնօրինակներով:
22. Երգող ռեստորան, Ֆրանսիա
Փարիզում 1999թ. բացված Bel Canto ռեստորանը որպես մատուցողներ և մատուցողուհիներ օպերային երգիչների է վարձում, իսկ սովորական ճաշը թատերական ներկայացման է վերածվում: Սովորաբար երգիչները քառյակներով են աշխատում և յուրաքանչյուր 15 րոպեն մեկ տարբեր պարտիաներ են երգում:
23. Միջնադարյան տավերնա, Չեխիա
Եթե ցանկանում եք իմանալ, թե ինչպես են ճաշել 15-րդ դարում, ապա այցելեք Պրահայում գտնվող միջնադարյան ռեստորանը: Այստեղ փայտե սեղաններ և կերամիկայից սպասք է դրված: Իսկ եթե չեք կողմնորոշվում, թե ինչ պատվիրել, ապա միջնադարյան հագուստով մատուցողները ձեզ կօգնեն ընտրություն կատարել:
24. Տուալետ-ռեստորան, Չինաստան
Տայուան քաղաքում 2013թ. տուալետ-ռեստորան է բացվել, որը արագ դարձել է քաղաքում ամենաճանաչված հաստատությունը: Այստեղ զուգարակոնքերի վրա են նստում, իսկ պատերը լոգարան կամ պետքարան են հիշեցնում:
25. Առնադմաների բուֆետ, Չինաստան
Guo Li Zhuang-ը մի ռեստորան է, որը մասնագիտացած է տարբեր կենդանիների առնանդամներից պատրաստված ուտեստներից: Ընտրության են ներկայացված ձիու, ցլի, ավանակի, շան, եղջերուի, այծի, ոչխարի և նույնիսկ օձի առնադամները: