Սաուդյան Արաբիայի իշխանությունները քննարկում են տասը տարեկանից ցածր երեխաների մասնակցությունը հաջին արգելու առաջարկությունը: Հաջի հարցերով նախարարության ներկայացուցիչների կարծիքով՝ Մեքքա կատարվող ուխտագնացությունը սպառնում է երեխաների առողջությանը:
Պաշտոնյաները նշում են, որ հաջին ամեն տարի հազարավոր երեխաներ են մասնակցում: Այդ շրջանում օդի ջերմաստիճանը անցնում է 40 աստիճանից: Շատ երեխաներ ստիպված են լինում սանիտարական նորմերի բացակայության պայմաններում բաց երկնքի տակ քնել, հաղորդում է NEWSru Israel-ը:
«Շուտով առաջարկության վրա աշխատանքները կավատվեն, և այն հոգևոր հեղինակությունների քննարկմանը կփոխանցվի: Որոշումը կհիմնվի մարդու կյանքի սրբության վրա, որը իսլամական հավատուսումունքի մեջ կարևոր դեր է խաղում»,- հայտարարել է նախարարության ներկայացուցիչը:
Միևնույն ժամանակ ուխտավորներին ուղեկցող շատ գիդեր դեմ են նման սահմանափակումներին: Նրանք հայտարարում են, որ ուխտավորներն իրենց հետ երեխաներին տանում են միայն այն դեպքում, երբ տանը նրանց այլ խնամող չկա: Այսպիսով, արգելքը մուսուլմաններին կզրկի կատարել իրենց հավատքի պատվիրաններից մեկը:
