Մեծ Բրիտանիայի կառավարությունը մտադիր է Google-ից, Facebook-ից, Twitter-ից և Microsoft-ից խնդրել իրենց փոխանցել այդ ընկերությունների հաճախորդների տվյալները, ովքեր համացանցում ծայրահեղական բնույթի տեղեկատվություն են հրապարակում: Իշխանությունները նաև պահանջում են, որպեսզի դա արվի ավտոմատ ռեժիմով: Այս մասին գրում է The Daily Mail-ը:
Վերոնշյալ ընկերություններից ստացված տվյալների օգնությամբ Միացյալ Թագավորության կառավարությունը հույս ունի պարզել իսլամական խմբավորումների հետևորդներին, որոնք համացանցի միջոցով հիմնականում զբաղվում են արմատականների շարքերում նոր քաղաքացիներ ներգրավելով:
Նախատեսվում է, որ Մեծ Բրիտանիայի համացանցային հարթակների ղեկավարներին դիմումը երկու հիմնական խնդրանք կներառի: Նախևառաջ, ծայրահեղականության քարոզի մեջ նկատված օգտատերերի բոլոր տվյալների փոխանցում` անուններ, գաղտնագրեր, ծածկաբառեր և այլն:
Բացի այդ, երկրի կառավարությունը նրանց կխնդրի ոչ միայն ջնջել ծայրահեղական բնույթի նյութերն, այլև այնպիսինները, որոնք նպաստում են երկրում բնակվող մուսուլմանների արմատականացմանը:
