ԱՄՆ նախագահ Բարաք Օբաման և Թուրքիայի նախագահ Ռեջեփ Թայիփ Էրդողանը հեռախոսազրույցում պայմանավորվել են «Իրաքի և Շամի իսլամական պետություն» (ԴԱԻՇ) խմբավորման դեմ պայքարի ուղղությամբ սերտ աշխատանքը շարունակելու մասին, կիրակի հաղորդել է Սպիտակ տունը։
«Իրաքի և Շամի իսլամական պետություն» խմբավորման գրոհայինները գրեթե մի ամիս է՝ լայնամասշտաբ հարձակում են վարում Քոբանիի ուղղությամբ։ Մոտավորապես 200 հազար խաղաղ բնակիչներ արդեն հարևան Թուրքիա են փախել։ Անկարան գտնվում է ԱՄՆ-ի ճնշման ներքո, որը նրան համոզում է թույլատրել երկրի հարավում գտնվող «Ինջիրլիք» բազայի օգտագոծումը Սիրիայում և Իրաքում ԴԱԻՇ-ի դիրքերին ավիահարվածներ հասցնելու համար։
«Երկու երկրների առաջնորդները պարտավորվել են շարունակել սերտորեն աշխատել, որպեսզի ամրապնդեն համագործակցությունը ԴԱԻՇ-ի դեմ պայքարում»,- ասվում է Սպիտակ տան հաղորդագրությունում։ Կողմերը նաև քննարկել են ջանքերը Աֆղանստանում կայունության ամրապնդման ուղղությամբ։