Լավ օրից չէ, որ միանում ենք Եվրասիական պրոյեկտներին. «Առաջին լրատվական»-ի հետ զրույցում այս մասին ասաց տնտեսագետ Վարդան Բոստանջյանը՝ անդրադառնալով նավթի գների անկմանն ու Ռուսաստանի տնտեսական մեկուսացմանը:
Նա նշեց, որ, անշուշտ, բացասաբար է անդրադառնալու իրավիճակը Ռուսաստանի տնտեսության վրա: Ըստ նրա՝ նավթը Ռուսաստանի համար ռազմավարական ռեսուրս է, որի հիման վրա իր մյուս ծրագրերն է իրականացնում: Փաստորեն, նրա խոսքերով, Ռուսաստանը իր բոլոր ծրագրերում՝ նպատակային, հեռանկարային, ըստ էության, ելնում է նավթի իրացումից, նավթի շահույթները տեղադրում է ամենազանազան առաջնահերթ, անհետաձգելի ծրագրերի իրականացման վրա:
«Երբ իջնում է նավթի գինը, մնում է ավելի փոքր հնարավորություն, իսկ այդ պայմաններում Ռուսաստանի համար դժվարություններ են ստեղծվում, իսկ այդ դժվարությունները պետք է առնչվեն նաև նրանց, որոնք գտնվում են Ռուսաստանի ազդեցության տիրույթում, այդ թվում՝ Հայաստանի Հանրապետությանը: Արի ու տես, որ շուկայի և ազգային շահերի առումով մենք կարծեք թե այս պահին այլընտրանք չունենք»,- ասաց նա՝ հավելելով, թե լավ օրից չէ, որ Հայաստանը միանում է եվրասիական ինտեգրացիոն պրոյեկտներին:
