Իրաքի իշխանությունները, միութենական զինված խմբավորումները խախտել են միջազգային իրավունքի նորմերը ԴԱԻՇ (Իրաքի և Շամի իսլամական պետություն) ծայրահեղական խմբավորման դեմ պայքարում, նրանց գործողությունները հանգեցրել են քաղաքացիական հասարակության շրջանում զոհերի: Այս մասին հայտնում է Reuters-ը՝ հղում անելով ՄԱԿ-ի զեկույցին:
Միաժամանակ, զեկույցում նշվում է, որ ԴԱԻՇ-ի զինյալները կարող են պատասխանատվության կանչվել ռազմական հանցագորոծություններ և մարդկության դեմ հանցագործություններ գործելու համար:
ՄԱԿ-ի զեկույցը պատրաստվել է մոտ 500 վկայությունների հիման վրա: Մասնավորապես, հաղորդվում է, որ ԴԱԻՇ-ի զինյալները զանգվածային մահապատժի են ենթարկել խաղաղ բնակչությանը, առևանգել կանանց և երեխաների, գերիներին որպես ստրուկ են օգտագործել, գերեվարված երեխաներին օգտագործել են ռազմական նպատակներով:
