Լուվրը, Վերսալը և Օրսե թանգարանը շուտով կարող են շաբաթական յոթ օր այցելուներ ընդունել, հաղորդում է The Local-ը:
Այդ որոշումը ֆրանսիակա կառավարությունն ընդունել է մշակույթի նախարարության առաջարկով:
«Եթե երկրի երեք ամենաշատ այցելվող թանգարանները ամեն օր բաց լինեն, դա արվեստի ստեղծագործությունները հանրությանը ավելի հասանելի կդարձնի»,- ասվում է համապատասխան փաստաթղթում:
Լրացուցիչ աշխատակիցների ընդունումը հաշվարկվել է բյուջեում: Կառավարությունում քննարկումներ են անցկացվում տոմսերի գների հնարավոր բարձրացման վերաբերյալ, որի շնորհիվ էլ հնարավոր կլինի վճարել լրացուցիչ աշխատանքային ժամերի համար:
Լուվրը տարեկան ավելի քան 9 միլիոն մարդ է ընդունում: Վերսալի պալատ տարեկան 7 միլիոն մարդ է այցելում, իսկ Օրսեի պատկերասրահ՝ 3,5 միլիոն:
