Մեքսիկայում՝ Կոաուլիա նահանգի տարածքում, գիտնականները հայտնաբերել են դինոզավրերի խոշորագույն «գերեզմանոց»՝ հայտնում է Der Spiegel-ը:
Նշվում է, որ գերմանացի ու մեքսիկացի հնէաբանները անապատի ոչ մեծ հատվածում հայտնաբերել են 14 դինոզավրերի կմախքներ: Հայտնաբերվել են նաև այլ կենդանիների կմախքներ:
«Այստեղ շատ զարգացած է էկոհամակարգը: Մենք գտել ենք ոչ միայն դինոզավրերի կմախքներ, այլև 4 տեսակի կրիաների ու կոկորդիլոսների: Հայտնաբերվել են նաև կաթնասունների մանր ատամներ»,- նշել է հնէաբանը: