Նոր ծայրահեղական խմբավորումը, որն իր մասին հայտարարել է Եգիպտոսում, «Իսլամական պետության» դեմ պայքարող կոալիցիային մաս կազմող երկրներին սպառնացել է դեսպանությունների ու ներկայացուցչությունների վրա հարձակումներով: Այս մասին հայտնում է ITAR-TASS-ը՝ հղում անելով «Ալ-Վասատ» պորտալին:
Համաձայն համացանցում հայտնված հայտարարության՝ «Եգիպտոսի խալիֆայության մարտիկները» հավատարմության երդում են տվել «Իսլամական պետության» առաջնորդ Աբու Բաքրա Ալ-Բագդադրին: Մասնավորապես, նրանք իրենց գլխավոր թիրախներ են հայտարարել ԱՄՆ-ի և արևմտյան երկրների դիվանագիտական առաքելությունները:
