Android հարթակով սարքերի հաջորդ սերունդը տվյալների ծածկագրման ներդրված գործառույթ կունենա, ինչը հատուկծառայությունների համար խոչընդոտ կլինի օգտատերերի մասին տեղեկություն ստանալու ճանապարհին: Այս մասին հայտնում է The Washington Post-ը:
Google-ի օպերացիոն համակարգի հաջորդ սերնդի Android հարթակով, որի թողարկումը նախատեսված է հոկտեմբերին, պլանշետներում և սմարթֆոններում ծածկագրման գործառույթն ավտոմատ կերպով կաշխատի: Սմարթֆոնի կոնտենտին հասանելիություն ստանալ հնարավոր կլինի միայն գաղտնագիրը ներմուծելուց հետո:
Սակայն Google-ի ներկայացրած ծածկագրումն ուղղված է միայն անմիջականորեն սմարթֆոնում պահված տվյալների պաշտպանությանը, նշում է The Wall Street Journal-ը: Այսպես, գործառույթը չի աշխատի Google Hangouts-ի հաղորդագրությունների համար, քանի որ դրանք ծածկագրվում են ոչ հենց Google-ի սերվերներում:
Ավելի վաղ Apple-ի նոր iOS 8-ի նման նորույթը խոչընդոտ կլինի ոստիկանության համար սմարթֆոններից օգտատերերի մասին տեղեկություններ ստանալիս՝ նույնիսկ խուզարկության արտոնագիր ներկայացնելու դեպքում:
