Այսօր կառավարության մոտ Գյումրիից եկած, իր վերջին գումարը տրանսպորտին հատկացրած Կամսար Մանոյանը հուսահատությունից լաց էր լինում:
«Թքեմ էդ թոշագի վրա՝ 40.000 դրամ. լույսի տամ, գազի տամ, հեռախոսի տամ… Երգու տարի է՝ կերթամ հարևանից գուզեմ, օր հաց առնիմ… հարևանին կերթամ գխնդրեմ, օր երեք հարյուր դրամ տա, օր հաց առնիմ»,- լաց էր լինում պապիկը:
Նա երկար տարիներ աշխատել է փականագործ, 25 տարի հետո՝ 2012-ի հունիսին, ազատել են աշխատանքից: «Շները ազադել են, ոչ մի բանի համար: Ինձ ազադելուց հետո ուրիշին են ընդունել. երգու տարի է՝ չեմ աշխադի»,- ասաց նա:
Կամսար Մալոյանը երկու անգամ դիմել է դատարան, սակայն, նրա խոսքով, դատարանն էլ է կաշառված եղել: Հայցը մերժվել է: Նա Ղարաբաղյան պատերազմի մասնակից է, եկել էր վարչապետին հանդիպելու: Մինչև հիմա տասը դիմում է ուղարկել, բայց պատասխան չի ստացել:
«Ըսիգ ի՞նչ երգիր է, ինչի՞ համար է վարչապետը, օր պետք է էնդեղ նստի, բան չանի»,- ասաց նա:
Ավելին՝ տեսանյութում:
