Android հարթակի համար Chrome-ի բջջային բրաուզերում փորձնական գործառույթ է հայտնվել, որը վայրկենական պատասխաններ է առաջարկում ըստ որոնողական տողում հարցի ներմուծման: Դրանք երևում են ավտոմատ լրացման ցանկում, որտեղ Google-ը հարցումների տարբեր տարբերակներ է առաջարկում: Այսպես՝ կարելի է իմանալ եղանակը, պատմական ամսաթվեր և այլ օգտակար տեղեկություն՝ հայտնում է hitech.vesti.ru-ն:
Նոր գործառույթն այնքան էլ օգտակար չի երևում Google Now օգնականի ֆոնին: Համենայնդեպս, այն կարող է ձեռքի տակ լինել, երբ օգտատերն ուզում է որևէ բանի մասին արագ տեղեկություն իմանալ՝ այլ հավելվածի չմիանալով և չսպասելով տվյալների էջի բացվելուն:
Վայրկենական պատասխաններն առայժմ փորձնական ռեժիմով են գործում: Դրանք միացնելու համար պետք է սմարթֆոնում Chrome ներբեռնել, նոր էջում ներմուծել chrome://flags, գտնել Answers in Suggest կետը, սեղմել տրվող ցուցակը և ընտրել Enabled: Նոր գործառույթը ստանդարտ կդառնա, թե ոչ՝ հայտնի չէ: