«Առաջին լրատվականի» զրուցակիցն է ԱԺ անկախ պատգամավոր Էդմոն Մարուքյանը:
–Պարոն Մարուքյան, ի վերջո,ինչպե՞ս պետք է կարգավորվի բացակայող և խորհրդարանում մի ողջ նստաշրջան լռող պատգամավորների հարցը: Ամեն նստաշրջանի ավարտին նույն պատկերն ունենք:
-Լուռ նստածների հետ կապված որևէ իրավակարգավորում չեմ կարող ասել, իրավակարգավորումը ընտրություններն են: Բացակայողների հետ կապված կա հստակ իրավակարգավորում, որ եթե մեկ նստաշրջանի ընթացքում կեսից ավելինպատգամավորը բացակայում է անհարգելի պատճառներով, նրա հարցը քննարկման է դրվում՝ մանդատից զրկելու հարց է դրվում: Այլ բան է, որ Ազգային ժողովի նախագահը լիազորություն ունի, որ պատգամավորի դիմումի և բերված պատճառաբանությունների արդյունքում կարող է հարգելի համարել այդ բացակայությունները: Մինչ օրս այդ պատճառով պատգամավորին մանդատից զրկելու հարց չի եղել:
-Ինչպե՞ս այդ գործընթացը թափանցիկ դարձնել:Օրինակ՝Գագիկ Ծառուկյանը մշտապես բացակայողների շարքում է:
-Կարող եք հարցում անել և ստանալ, թե ինչ տեղեկանք և պատճառաբանություններ է ներկայացնում իր բացակայաությունների վերաբերյալ:Այլ բան է, թե դա ինչպես է հիմք հանդիսանում ԱԺ նախագահի համար, որ նա դա ճանաչի հարգելի կամ անհարգելի:
–Դուք ևս նախորդ նստաշրջանի ամենաակտիվ պատգամավորներից եք․․․
-Ես երրորդ տեղում եմ:
– Լռողների հետ կապված պետք է,չէ՞,որևէ բան ձեռնարկել:
-Միակ ընթացակագը ընտրողն է, մեր ընտրողների իրավագիտակցությունը այնքան պետք է բարձրանա, որ ընտրությունների ժամանակ հասկանան՝ում օգտին քվեարկեն, ում օգտին՝ոչ:
Համամասնական-մեծամասնականի խնդիր չէ, ես համամասնական պատգամավորներ գիտեմ, որ երբեք ելույթներ չեն ունեցել: Քաղաքական ուժերը պետք է ֆիլտրեն իրենց ցուցակը, և ընտրողը պետք է ֆիլտրի ընտրությունների ժամանակ, այլ տարբերակ չկա:
–Բայց երբեմն ընտրողը կողմ է համամասնական ցուցակի մի խումբ պատգամավորների, մյուս խմբին՝ ոչ:
– Այս պարագայում լուծումն այն է, ինչ Դաշնակցությունն էր ժամանակին առաջարկում, որ ռեյտինգային քվեարկություն լինի: Այսինքն՝ 10 թեկնածուի հավանում եք, իսկ մյուսներին,որոնք նախորդ 5 տարիների ընթացքում լուռ նստել են, դուք կարող եք ռեյտինգային քվեարկությամբ նրանց առաջ մղել: Սա մի քիչ բարդ գործընթաց է, բայց եվրոպական երկրներում կա:Երբ ընտրական համակարգի քննարկմանն անցնենք, դրա շրջանակներում ոչ միայն ՀՅԴ-ն,ինքներս էլ դրակողմնակիցը կլինենք ու կառաջարկենք, որ լինի, որպեսզի մարդը կարողանա տարանջատել, զատել ցուցակում այն մարդկանց, ում ինքը չի ցանկանում, որ խորհրդարանում լինեն:
-Նոր նստաշրջան է սկսվում, ի՞նչ անելիքներ կան, որո՞նք էին նախորդի բացթողումները:
-Ես իմ մասին կարող եմ ասել.ակտիվորեն պատրաստվել եմ,մի շարք նախաձեռնություններ ունեմ, որ հանձնաժողովներում այս օրերի ընթացքում քննարկվել են, աշխատելու եմ այնպես, ինչպես միշտ: Առաջին հերթին իմ ընտրատարածքի խնդիրներնեն առաջ քաշելու, և նոր համապետական այլ խնդիրներ, որ միշտ ներկայացրել եմ՝ հիմնակնում դատաիրավաան, մարդու իրավունքների և պետաիրավական հարցերի հետ կապված:
Հարցազրույցն ամբողջությամբ՝ մեր տեսանյութում։
