ԱՄՆ-ում դատարանը վճռել է ազատ արձակել 30 տարի ճաղերի ետևում անցկացրած երկու ամերիկացիների՝ այն բանից հետո, երբ ԴՆԹ թեստի միջոցով ապացուցվել է նրանց անմեղությունը 11-ամյա աղջկա բռնաբարության ու սպանության գործով: Դեպքը տեղի էր ունեցել 1983թ. Հյուսիսային Կարոլինայում:
1983թ.-ին ոստիկանությունը ձերբակալել էր անչափահասներ Հենրի Մաքքոլումին և Լեոն Բրաունին ու նրանց մեղադրել հանցագործության մեջ: Ոստիկանները ակնհայտ հանցանշաններ չեն ունեցել, սակայն մեղադրյալները, ինչպես հետագայում է պարզվել, պարտադրանքի ներքո են ընդունել մեղքը՝ հաղորդում է BBC-ն:
Երկու տղամարդիկ էլ մտավոր ունակությունների հետ կապված խնդիրներ ունեն: Դատավորը վճռել է անհապաղ ազատ արձակել նրանց: