Իրաքում կիրակի օրը ամերիկյան կործանիչներն ու անօդաչուները ևս երկու հարված են հասցրել «Իսլամական պետության» գրոհայինների դիրքերին:
Ինչպես հաղորդում է ITAR-TASS-ը, այս մասին հայտնել է ԱՄՆ զինված ուժերի կենտրոնական հրամանատարությունը, որի օպերատիվ պատասխանատվության ոլորտում է առաջին հերթին Մերձավոր Արևելքը:
Ինչպես պարզվում է՝ ռազմական թռիչքներն իրականացվել են առանց կորուստների՝ Իրաքի Մոսուլում, ինչպես նաև Ամերլի քաղաքում: Ամերլին վերջին երկու ամիսների ընթացքում փաստացիորեն կտրված էր արտաքին աշխարհից:
Համաձայն տեղեկությունների՝ ընդհանուր առմամբ ամերիկյան ռազմական ինքնաթիռներն ու անօդաչուները Իրաքում հասցրել են 120 հարված: