«Ֆուկուսիմա-1» ԱԷԿ-ից ռադիոակտիվ ջրի արտամղման գործընթացը ցանկալի արդյունք չի տալիս, հայտնում է NHK հեռուստաալիքը՝ հղում անելով կայանի օպերատոր ընկերության՝ TEPCO-ի տվյալներին, հայտնում է RIA Novosti-ն:
Այսպես, կայանի տակ գրունտային ջրերի մակարդակը օգոստոսի կեսին մշտական մղման հետևանքով անցած ամսվա համեմատ նվազել է միայն 10 սմ-ով:
Ընդ որում՝ ջրի մակարդակը ԱԷԿ-ի ստորգետնյա թունելներում այս տարվա մայիսին, երբ մասնագետները նոր էին սկսել արտամղման գործընթացը, ցուցանիշը գերազանցել է ընդամենը 20-30 սմ-ով:
Ըստ TEPCO-ի փորձագետների՝ ռադիոակտիվ ջրի ծավալները օրական գոնե 100 տոննայով նվազեցնելու համար թունելներում հեղուկի մակարդակի տարբերությունը պետք է լինի մոտ 1 մետր:
Հողի տակ աղտոտված հեղուկի քանակը ամեն օր ավելանում է 400 տոննայով՝ գրունտային ջրերի բարձրացման հաշվին:
