Մաշոտոց 31 շենքի առաջին հարկում գտնվող «Կամելոտ» ռեստորանը ՀՀ վարչական իրավախախտումների վերաբերյալ օրենսգրքի 180-րդ հոդվածի 1-ին մասի հատկանիշներով նախազգուշացվելուց և տուգանվելուց հետո պարատավորվել էր ձայնամեկուսացում ապահովել, որպեսզի ռեստորանի բարձր երաժշտության ձայնը չգերազանցի սահմանված չափը, սակայն պարզվում է՝ աշխատանք այդ ուղղությամբ անգամ նախազգուշացումից ամիսներ հետո չի կատարվում: Երեկ ուշ երեկոյան ռեստորան կրկին չափումների համար էին գնացել։ Հետաքրքիր է, որ մասնագետները, լրատվամիջոցներին տեսնելով, միանգամից բռնկվեցին ու նշեցին, թե դեմ են, որ իրենց աշխատանքը տեսանկարհանվի:
Չափումներին հետևում էր նաև Երևանի ավագանու «Բարև Երևան» խմբակցության ղեկավար Անահիտ Բախշյանը, որը փորձեց բանակցել, որպեսզի ներկա 2 երկու լրատվամիջոց հնարավորություն ունենան հետևել չափումներին, սակայն լրագրողները ստիպված եղան դրսում սպասել: Չափումներին մասնակցում էր նաև Մաշտոց 31 շենքի 3-րդ բնակարանի բնակչուհի Արմինինե Թանգյանը, որը ապրում է շենքի 2 –րդ հարկում և արդեն ավելի քան երեք տարի է՝ պայքարում է, որպեսզի«Կամելոտից» աղմուկը իր տուն չհասնի:
«Ես չեմ համարելու, որ սա ճիշտ չափում է»,- ռեստորանից դուրս գալուց հետո լրատավամիջոցներին ասաց Արմինե Թանգյանը՝ հավելելով, որ ամեն ինչ կիսատ-պռատ էր արվում, կամ դինամիկը չի միանում, կամ սակավառակը: Բնակչուհին նաև հավելեց, որ ռեստորանի տերերեը ՀՀԿ-ական պատգամավոր Մնացական Մնացականյանի ընտանիքի անդամներն են, ուստի փորձում են խուսափել ձայնամեկուսացաման աշխատանքներից: Արմինե Թանգյանը նաև նշեց, որ վստահ է՝ վաղ թե ուշ խնդիրը լուծում է ստանլու, քանի որ ինքը շարունակելու է պայքարը:
«Բարև Երևան» խմբակցության ղեկավար Անահիտ Բախշյանը նկատեց, որ սեփականատերը պետք է հասկանա, որ իր բիզնեսը չի կարող անել բնակչի հանգստի հաշվին:
Առավել մանրամասն՝ տեսանյութում։
