«Բնակիչները թող բողոք-դիմում ներկայացնեն. ես պատրաստ եմ ուսումնասիրելու և նույնիսկ քայլեր ձեռնարկելու այդ ակումբները փակելու համար»,- ասաց Երևանի քաղաքապետ Տարոն Մարգարյանը՝ անդրադառնալով բնակելի շենքերի առաջին կամ նկուղային հարկերում գտնվող կարաոկեների, բարերի աղմուկի, առանձնասենյակների ու բնակիչների բողոքների վերաբերյալ«Առաջին լրատվականի» հարցին:
Քաղաքապետը նկատեց, որ պատրաստվում են կառավարությունում, հետո նաև ԱԺ-ում հանդես գալ նախաձեռնությամբ, որպեսզի բազմաբնակարան շենքերի տարածքում նման հաստատություններ չլինեն։ «Բոլորիս է հուզում, որ բազմաբնակարան շենքերում չունենանք նման ակումբներ, որոնք մեր երևանցիներին թե հանգստի մասով, թե ընդհանրապես խանգարում են»,- հավելեց նա:
Տարոն Մարգարյանը նաև ասաց, որ վերջին տարիներին մոտ 30 նմանատիպ ակումբներ փակվել են:
Առավել մանրամասն՝ տեսանյութում։