Երգչուհի Ռիհաննան Նյու Յորքում ներկա է գտնվել բասկետբոլի բարեգործական առաջնությանը, որին մասնակցում էր նրա նախկին զուգընկեր Քրիս Բրաունը: Այս մասին գրում է Viva.ua կայքը` վկայակոչելով ամերիկյան ԶԼՄ-ներին:
Նշվում է, որ նախկին սիրահարները դեռևս միմյանց հանդեպ նուրբ զգացմունքներ են տածում: Իսկ հանրության մեջ Ռիհաննան և Քրիսը չեն հայտնվել միասին, նույնիսկ միմյանց չեն ողջունել:
Բրաունի շրջապատում, սակայն, պնդում են, որ նա վերջերս է բաժանվել իր սիրեցյալից` Քարուչի Թրենից` Ռիհաննային մոռանալ չկարողանալու պատճառով: Սակայն երգիչը կրկին վերսկսել է նրա հետ իր հարաբերությունները և Facebook սոցկայքի իր էջում ակնարկել, որ նա երեխայի է սպասում:
«Գրողը տանի, արդեն մոտ 5 տարի է՝ այդ կինը խենթացնում է ինձ: Ինձ պետք է այդ երեխան, պետք է դադարել խաղալուց»,- գրել է Քրիսը: