«Անկախությունը դեռ նորաստեղծ անկախություն է, այն բարձունք է, որ ձեռք ենք բերել, որը նորածին երեխայի նման է, որ պետք է աճեցնես, մեծացնես, փայփայես, դաստիարակես, մենք պահպանման և փայփայման փուլում ենք: Կարող եք պատմական էսքսկուրս կատարել. որևէ մի երկրում անկախությունը միանգամից այնպիսին չի եղել, որ ամբողջ հասարակությանը գոհացնի»,- «Առաջին լրատվական»-ի հետ զրույցում ասաց ԱԺ ՀՀԿ խմբակցության ղեկավար Վահրամ Բաղդասարյանը՝ հավելելով, որ գիտակցելով՝ ինչ է հենց անկախություն բառը, որը դարեր շարունակ երազել ենք և այսօր ունենք, պետք ոգեշնչված լինենք:
«Այսօր այդ անկախությունը պետք կարողանանք այնպես պահպանել, փայփայել, որ ապագայում՝ կլինի տարիներ հետո, կլինի 50 տարի հետո, լինի այնպես, որ լիարժեք այն, ինչ հասկանում ենք անկախություն ասելով, դրա տերը լինենք»,- մանրամասնեց Վ. Բաղդասարյանը:
Ըստ նրա՝ այսօր կարևորագույն խնդիրներ ունենք՝ Ղարաբաղյան հիմնախնդիր, տնտեսական վերելքի խնդիրներ, պետականության կայունացման խնդիրներ: Ընդ որում, ըստ նրա, այս խնդիրների լուծումը միայն մեզանից կախված չէ: «Ինձ թվում է՝ ներդաշնակ մեր քայլերը կատարում ենք, իհարկե՝ դանդաղկոտ. միանգամից ոչնչի հասնել հնարավոր չէ»,- եզրափակեց ՀՀԿ խմբակցության ղեկավարը: