Google ընկերությունը անօդաչու ավտոմեքենաների նախատիպերում ստիպված կլինի ղեկ և սեղմակներ դնել` Կալիֆոռնիա նահանգի իշխանությունների պահանջով: Այս մասին հաղորդում է The Wall Street Journal-ը:
Մայիսին ներկայացված ավտոմեքենայի կառավարումը տեղի է ունենում ծրագրային ապահովվմամբ` հաղորդիչների տեղեկատվության հիման վրա, ուստի այն չունի ղեկ, արագության և արգելակման սեղմակներ:
Սակայն համաձայն Կալիֆոռնիայի ավտոտրանսպորտի դեպարտամենտի նոր օրենքների, որոնք ուժի մեջ կմտնեն սեպտեմբերի 16-ից, հանրային ճանապարհների վրա վարորդը պետք է տրանսպորտային միջոցը անմիջականորեն կառավարելու հնարավորություն ունենա:
Դա նշանակում է, որ Կալիֆոռնիայի ճանապարհներին անօդաչու ավտոմեքենաների փորձարկման համար Google-ը պետք է դրանցում տեղադրի ղեկ, արագացման և արգելակման սեղմակներ: Ընկերությունը կարող է ամբողջությամբ «ծրագրային» ավտոմեքենան փորձարկել Կալիֆոռնիայի` հանրային տրանսպորտի համար փակ ճանապարհներին կամ այլ նահանգներում: