Ամերիկայում կատարվել է հետազոտություն, որի շրջանակներում հարցման է մասնակցել 60 հզ. աղքատ բնակիչ: Հարցվածների գրեթե 80%-ը հայտարարել է, որ նպաստը ծախսում է արագ սննդի վրա, քանի որ վերամշակված սնունդը, ինչպիսիք են, օրինակ, չիպսը, համբուրգերը և գազավորված ըմպելիքները, ավելի էժան են, քան այսպես ասած «առողջ սնունդը», ընդ որում՝ նման մթերքները հագեցնում են սովը: Սննդի մեջ նման մթերքների օգտագործումը աղքատ ամերիկացիների շրջանում բերում է ճարպակալման՝ հաղորդում է qz.com-ը:
Խնդիրը բարդանում է նաև նրանով, որ քիչ եկամտով ընտանիքներին դժվար է գտնել այնպիսի խանութներ, որոնք մատչելի գներով առողջ սնունդ են առաջարկում:
Հետաքննության շրջանակներում հաստատվել է, որ հարցման մասնակիցների մոտ 33%-ը շաքարախտ ունի: Ընդ որում՝ ավելի լավ սոցիալական դիրքում գտնվող մարդկանց խմբերի մոտ այդ ցուցանիշը 9%-ով ավել է:
Բացի դրանից՝ Feeding America-ի մասնագետները պարզել են, որ հարցվածների 55% -ից ավելին սննդի մեջ ժամկետանց մթերք է օգտագործում:
