Հայերին կոչ է արվում կատարել իրենց հայրենասիրական պարտքը, այն է՝ հոդված գրել Wikipedia առցանց հանրագիտարանում՝ գրում է BBC-ն:
«Մեկ հայ, մեկ հոդված» ազգային արշավը նպատակ ունի ավելացնել հայերեն հոդվածների քանակն ու որակը և խթանել մշակույթը՝ ասվում է EU Armenia TV-ի գովազդային հոլովակում: Հայկական կապիտալը Wikipedia-ում կարող է նույնիսկ մրցել Վրաստանի և Ադրբեջանի հետ:
Կարծես թե հայկական Wikipedia-ն առաջ է անցնում հարևաններից էջերի թվով՝ ներկայում ավելի քան 125 հազար:
Առցանց հանրագիտարանում հրապարակված հոդվածների թվի մասին հաղորդելը հայկական հեռուստատեսության և լրատվական գործակալությունների օրակարգում է մարտից ի վեր, ինչ սկսվել է արշավը:
Նշվում է, որ ադրբեջաներենով առցանց հանրագիտարանում գրված է 102 հազար, իսկ վրացերենով՝ 84 հազար էջ:
Արշավը սկսվել է YouTube-ում հայտնված տեսահոլովակով, որը նոր կյանք է ստացել՝ ողջ աշխարհի հայերին հասանելի դառնալով արբանյակային հեռուստատեսությամբ: Հայկական սփյուռքը հաշվվում է մոտ 8 մլն:
Նախագծին մասնակցում են արվեստագետներ, երաժիշտներ և քաղաքական գործիչներ, ինչպիսիք են, օրինակ, պաշտպանության նախարար Սեյրան Օհանյանը, կրթության և գիտության նախարար Արմեն Աշոտյանը՝ ասվում է հրապարակման մեջ:
