Պեկինում մինչև 2022թ. ձմեռային Օլիմպիական խաղերի սկիզբը նոր միջազգային օդանավակայան կկառուցվի: Այս մասին ITAR-TASS-ի թղթակցի հարցին ի պատասխան՝ մամլո ասուլիսի ժամանակ ասել է Պեկին-2022 հայտի կոմիտեի մամլո ծառայության ղեկավար Վան Հուեյը:
«Մայրաքաղաքի գործող օդանավակայանը զգալիորեն ընդլայնվել էր 2008 թ. ամառային Օլիմպիական խաղերից առաջ: Սակայն այդ ժամանակվանից Չինաստանի համագործակցությունն այլ երկրների հետ շարունակաբար զարգացել է, հին օդանավակայանի անցակետային հզորությունը հիմա բավարար չէ»,- ասել է Վան Հուեյը:
«Այդ պատճառով մի քանի տարի առաջ հայտարարվել էր Պեկինի Դասին շրջանում նոր միջազգային օդանավակայան կառուցելու մասին: Չնայած այդ որոշումն ընդունվել էր նախքան 2022-ի ձմեռային Օլիմպիական խաղերի անցկացման իրավունքի համար Պեկինի պայքարի մեջ մտնելը՝ մեր հայտի կոմիտեի համար ևս այն կարող է մեծ դեր խաղալ: Օդանավակայանը կխթանի հասարակության զարգացմանը, ինչը, իր հերթին, կարող է նպաստել Պեկինի հաղթանակին»,- ավելացրել է նա:
Օդանավակայանը կունենա տարեկան առնվազն 60 մլն անցակետային հզորություն:
Չինաստանի քաղավիացիայի վարչության տվյալներով՝ նախագծում ներդրումները կկազմեն մոտ 16,2 մլրդ դոլար:
Ներկայումս 2022-ի Օլիմպիադան ընդունելու թեկնածուներն են Պեկինը, Օսլոն և Ալմաթին:
