Instagram-ը թողարկել Bolt նոր հավելվածը, որը նախատեսված է ընկերներին արագորեն լուսանկարներ և տեսանյութեր ուղարկելու համար: Հասցեատիրոջ դիտումից հետո հաղորդագրությունն անհետանում է, ինչպես Snapchat մեսենջերում՝ հայտնում է hitech.vesti.ru-ն:
Bolt-ում մուլտիմեդիա հաղորդագրությունների միջոցով շփվելու մեխանիկան մինչև վերջ պարզեցված է: Գլխավոր էկրանին պատկերվում են 4 ընտրված ընկերների կլոր ավատար-նշանները, որոնց հավելվածը գտնում է՝ հարցում անելով սմարթֆոնի հասցեների գրքին (գրանցումը ևս լինում է համարով): Ցանկության դեպքում կարելի է ավելացնել մինչև 20 կոնտակտ:
Որևէ մեկին պատկեր ուղարկելու համար բավական է սեղմել նրա ավատարին՝ ինչպես նկարահանելու կոճակին «Տեսախցիկ» հավելվածում: Եթե պատահաբար է սեղմվել, ուղարկելը չեղարկելու համար պետք է թափահարել սմարթֆոնը: Սեղմել ու պահելու դեպքում տեսանյութ կնկարահանվի ու կուղարկվի: Bolt-ում հաղորդագրությունը տեսնելուց հետո այն կանհետանա և կհայտնվի ուղարկողին պատասխան լուսանկար կամ հոլովակ ուղարկելու տարբերակը:
Instagram-ի նորույթը կարող են փորձարկել միայն Նոր Զելանդիայի, Սինգապուրի և Հարավային Աֆրիկայի բնակիչները: